Dugnad og arrangement

Arrangementsansvarleg · klubb

Overordna ansvar for at dagen går rundt – ikkje det same som lagleiar for laget på vakt.

Set opp lista over kva lag som har arrangementsansvaret når, og del ho i Spond-gruppa for trenarar og lagleiarar. Lagleiar for laget på tur fordeler så rollene vidare på dei vaksne rundt laget.

1

Meld frå til hallen

Send e-post til arena@kvinnherad.kommune.no så dørene står ulåste og prislista for kiosken blir vist på skjermane. Ferdig e-post med rette klokkeslett ligg under.

Ferdig e-post til Kvinnherad Arena

Fyll inn namnet ditt før du sender.

Hei,

Laurdag 19.09.2026 skal Kvinnherad Handballklubb ha heimekampar i Kvinnherad Arena. Fyrste kamp startar kl. 11:00 og den siste kl. 16:40.

Vi ber difor om at dørene er opne frå kl. 10:00 til kl. 18:00, og at prislista for kiosken blir vist på skjermane.

Med venleg helsing
[namnet ditt]
Lagleiar, Kvinnherad Handballklubb

Opne denne e-posten

Lagleiar

Koordinerer laget og fordeler vaktene. Som lagleiar er du bindeleddet mellom laget og dei føresette – det løner seg å byrje tidleg.

Rigging / Rydding: Minst 5 føresette på kvar
Kiosk / Sekretariat: 2 føresette på kvar
Hallvakt / Fair Play: 1 av kvar per flate i bruk
Draktbag: Sjekkast før dagen, avvik til materialforvaltar

1

Skaff deg oversikt over kampane

MinIdrett viser ikkje bortelag mot bortelag – bruk Banedagboka og Spond-gruppa for trenarar og lagleiarar for full oversikt og ansvarsperiode.

2

Sett opp dugnadsliste

Fordel dei føresette på oppgåvene (sjå talet på kvar over) og legg lista i Spond-gruppa til laget. Sei frå at dei kan byte innbyrdes.

3

Hent nøklar og utstyr

I det blå skapet før dagen startar – sjå Nøklar og utstyr for kva som ligg der.

4

Sjekk draktbagen til laget

Rett tal og storleikar? Spør materialforvaltaren om noko manglar.

5

Legg ut kakeforespørsel

Spør i gruppa kven som kan lage kake til kiosken – 1–2 kaker per lag, avhengig av storleiken på arrangementet og talet på lag. Du avgjer.

Rigging

Set opp bane og utstyr før første kamp.

Tal personar: 5
Tidsbruk: Ca. ein halvtime

Beachflagg – klubben har to, ferdig monterte, i hovudinngangen eller utanfor.
Gatebukkar – to stykk, godt synlege i hovudinngangen eller ved kiosken.
Rollupar – tre stykk, i hovudinngangen og/eller ved kiosken.
Lagbenker – 1–2 per lag, på langsida nærmast kiosken.
Sekretariatsbord og stolar – midt på langsida, mellom lagbenkene.
Skøyteleidning – frå lageret til sekretariatsbordet.
Styreverktøy til måltavle og klokke – hent på det sosiale rommet bak kiosken, kople opp og test i god tid.

Gatebukk med sponsorane og rollup sette opp i hovudinngangen

Dei to beachflagga til klubben sette opp utanfor hovudinngangen

Kiosk

Ei av dei viktigaste inntektene til klubben – og hyggeleg å stå i.

Møt: Ca. 30 min før første kamp
Vipps: 123479

1

Hent varene

Tørrvarer og ekstra brus ligg på kioskrommet. I sjølve kiosken er det eit kjøleskap med varer i tillegg. Frå lageret: brus, saft, iste, pølser/pølsebrød, vaflar, sjokolade, chips, popcorn, drops. Pølser ligg som regel i frysaren.

2

Kok pølser, steik vaflar, kok kaffi

Rigg i stand før første kamp. Vil de selje toast, har klubben toastjern.

3

Sjå til vekslepengane

Dei ligg i det svarte skapet på kopirommet – same nøkkel som heng med nøkkelkortet.

Manglar varer? Sei frå til kioskansvarleg, som handlar inn – jobben din er berre å sjå kva som står på lageret. Meny-endring går til vippsansvarleg, prisliste på skjermane meldest inn av lagleiar.

Sekretariat

Fører kampen: tid, mål og utvisingar. Du har dialog med dommarar og trenarar, og held kampen i gang.

Tal personar: 2 personar tilrådd – under 9 år held det med 1
Enkel LIVE: Frå 11 år
Standard LIVE: Frå 13 år
Møt: I god tid – kople opp PC-ane

Digitalt verktøy

Håndball LIVE – vel kva som skal spelast

Systemet er ulikt etter alder. Vel aldersklassen, så får du berre det som gjeld.

Aldersklasse

Registrerer: Ingenting i LIVE – systemet blir ikkje brukt
Gjeld: 6–10 år (4-ar og 5-ar)

Ingen PC, ingen TA – berre dette

6–8 år (4-ar)

Du styrer berre tidsuret. Ingen resultat blir registrerte eller talde, og det finst ingen utvisingar – Region Vest bruker ikkje personleg straff i 4-ar.

9–10 år (5-ar)

Du styrer tidsuret og fører måla for hand på veggtavla. Blir ein spelar utvist, tek du tida på dei 2 minutta manuelt – laget kan setje inn ny spelar med det same, diskvalifikasjon skal ikkje brukast.

Ingen innlogging på ta.nif.no og ingen eksport av kampdata i denne aldersklassen – det kjem først frå 11 år, med Enkel versjon.

Spelereglar 4-ar Region Vest · spelereglar 5-ar

Registrerer: Mål, utvisingar, kort, timeout
Gjeld: 13 år og eldre

To roller, éin sit på PC-en: spelereglane (§18.1) skil tidtakar (ansvar for speletid, timeout og utvisingstid) frå sekretær (ansvar for lagslistene, kamprapporten og spelarar som kjem til/ikkje er deltakarberettiga etter kampstart). Er de to i sekretariatet, er dette ei naturleg oppgåvefordeling. Kontroll av inn-/uttreden av innbyttarar er felles ansvar.

Før kampen

Logg inn på ta.nif.no → Klubb → Live-kamper, trykk «Eksporter kampdata til LIVE», så «Gå til LIVE»
Sjekk at kampen er sett til rett bane – endre under «Baner» om ikkje
Legg spelarane til kamptroppen og sjekk draktnummer for begge lag – sjekk òg at dommarar, sekretær og tidtakar er registrerte
Sjekk lisensstatus for kvar spelar under «Utøvarar» (grøn hake = betalt lisens)
Lagleiarane signerer kamptroppen med PIN før avspark

Under kampen

Start/stopp klokka med knappen eller mellomromstasten
Registrer mål og 7-meter mål med eigne knappar
Registrer åtvaring, 2 minutt eller raudt kort (diskvalifikasjon) ved behov – blått kort finst òg i systemet, men er sjeldan aktuelt utanom NHF sine øvste seriar
Timeout (1 minutt, éin per lag per ordinær omgang – ikkje i ekstraomgangar): klokka stoppar automatisk, du må starte ho att sjølv
Trykk raud «Avslutt omgang» når tida er ute

Etter kampen

Obligatorisk: fyll inn tilskodartal, og om Fair Play-vert var til stades
Dommaren signerer kamprapporten med PIN – i Regionserien held det truleg at lagleiarane alt har signert før kampen (sjå over); dei skal ikkje signere på nytt etter *
Sjekk at raude varsel er rydda opp i, trykk «Avslutt kamp»

Krev stabilt internett heile kampen. Mistar du nettet, blir dei fleste hendingar lagra og sende automatisk att – men start/stopp tid, avslutta omgangar og bytte blir ikkje lagra offline. Manglar ein spelar i spelarstallen, må lagleiar leggje han inn i TA først.

Manglar ein spelar betalt lisens? Spelaren kan framleis stå i kamptroppen – det er klubben, ikkje sekretariatet, som er ansvarleg for lisensen. Sei frå til lagleiar med det same, slik at lisensen blir betalt innan 3 verkedagar. Blir ho betalt innan fristen, får verken spelar eller klubb noka følgje. Blir ho ikkje det, får klubben eit gebyr og spelaren automatisk spele- og funksjonsforbod til lisensen er betalt.

* Gjeld Eliteserien, 1. og 2. divisjon. I Regionserien held det at lagleiarane har signert kamptroppen før kampen.

Spelereglar 13 år–senior NHF si fulle rettleiing · Standard 2.0 NHF · reglement for lisens

Treng du hjelp elles, spør før kampdagen – dei eldre laga har erfarne føresette som gjerne stiller opp.

Hallvakt og Fair Play-vert

Tek imot laga og fordeler garderobar. Begge rollene er synlege – du har på refleksvest, henta frå klubblageret nede på flata.

Garderober til fordeling: 6 stk + dommargarderobar
Klisterlag: J15 og eldre

Reglar å kjenne til

Klisterlag fyrst

J15 og eldre skal alltid ha dei tre inste garderobane, lengst frå hovudinngangen.

Kiss & Ride

Ser du nokon parkere i sona, seier du frå.

Berre på flata

Ballspel skal berre skje på sjølve flata, ikkje andre stader i bygget.

Klister berre inst

Berre på den inste klisterflata – ikkje i garderobar eller på lager.

Fair Play-vert: ein synleg observatør nær sekretariatet. Følg med på tonen blant trenarar, støtteapparat og publikum. Uønskt åtferd meldest vidare til klubben – du har òg løyve til å vise vedkomande ut av hallen.

Infoskriv Fair Play-vertLast ned

Rydding

Vi ryddar etter oss saman – jo fleire som tek i, jo raskare går det.

Vaskerommet ligg inne i hallen, nede på flata – døra til venstre for hovudinngangsdøra sett innanfrå. Låst, men nøkkelkortet frå det blå skapet opnar henne.

Kiosken vaska og rydda, varene tilbake på lageret, bosset tømt.
Vrimleområdet framfor kiosken rydda, stolane på plass, golvet moppa.
Beachflagg, rollupar og gatebukkar rydda på plass.
Toaletta oppe og nede gått over, bosset tømt.
Garderobane rydda og bosset tømt. Klister vaska bort med klisterfjernar.
Hallflata gått over – sølt væske og klister på måla vaska bort.
Bosset kasta i bossdunken under trappa ute, til høgre for hovudinngangen.

Neste arrangement

Arrangementa etter dette

Kva skal du gjere?