Sida du les no er ny. Den viktigaste skilnaden er ikkje korleis ho ser ut, men at ho held seg oppdatert av seg sjølv – og at fleire av spørsmåla som stadig dukka opp i Spond-gruppene, no har fått eigne svar.
Kampoppsettet oppdaterer seg sjølv
Terminlista hentar heimekampane rett frå banedagboka på handball.no kvar dag. Ingen skal måtte hugse å skrive dei inn, og det som står der er det som faktisk er sett opp. Trykk «Berre KHK» for å sjå berre våre eigne kampar, eller på ei aldersgruppe for å sjå berre den klassen. Kvart lag har i tillegg sine eigne kampar på si eiga lagside.
Reglane for akkurat aldersklassen din
Kor stor er banen for ein 9-åring? Kva tel som passivt spel i 6-ar? Sida «Slik spelar vi» lèt deg velje alder eller spelform, og viser berre det som gjeld akkurat den klassen – bane, ball, speletid og det viktigaste å hugse på. Dømmer du sjølv, har «For dommarar» det same oppsettet, med dommarteikn, kampskjema og PIN-koden du treng i Håndball LIVE.
Har du fått ei dugnadsvakt?
«Dugnad og arrangement» samlar alle rollene på éin stad. Vel om du er sett opp til rigging, kiosk, sekretariat, hallvakt eller noko anna, så får du berre det du treng å vite for akkurat den oppgåva – inkludert kvar nøklane og utstyret ligg, frå det blå skapet til sekretariatet.
Praktiske spørsmål har fått eigne sider
Skal ein kamp flyttast? Treng laget dispensasjon for ein spelar? Kva fristar gjeld gjennom sesongen? Slike spørsmål har no kvar si side, med svara henta rett frå Region Vest.
Ei side per lag
Kvart av dei ti laga har si eiga side med lagbilete, treningstider, trenarar og lagleiarar, lenke til Spond-gruppa og dei neste heimekampane. Skriv fødselsåret på forsida, så finn du rett lag med ein gong.
Og eit søk som finn ting
Skriv eit ord i søkefeltet, så kjem treffa med ein gong – du treng ikkje trykkje på noko. Søket dekkjer alt innhaldet på sida.
Finn du noko som er feil eller utdatert, sei frå til styret – då rettar vi det.