Reise og utlegg
Kva klubben dekkjer når laget reiser eller du har lagt ut for klubben, og korleis du får pengane tilbake.
Reiserekning og utlegg
Køyring, ferje og bom, og det du har lagt ut for laget eller klubben. Har du berre utlegg, hoppar skjemaet over køyringa.
Kva klubben dekkjer
Trenar og lagleiar
3,50 kr/km, ferje og bom
Forelder som køyrer
Ferje og bom
Utlegg for laget eller klubben
Mot kvittering
Minibuss
Leiga, og diesel mot kvittering
Heiagjeng og eiga hand
Betaler sjølv
Ferje etter AutoPASS-avtaleprisen for sambandet. Har du betalt meir, får du det mot kvittering. Utlegg kan vere mat og drikke på cup, overnatting, deltakarkort eller utstyr. Du vel sjølv om utlegget gjeld eit bestemt lag eller klubben generelt. Du kan sende for turar og utlegg inntil to år tilbake.
Slik går det
- Vel om det gjeld køyring, utlegg eller begge, og legg ved bilete av kvitteringane.
- Etter sending får du ei lenkje som viser kor rekninga står.
- Godkjend rekning går til utbetaling.
- Blir ho sendt tilbake, rettar du ho frå same lenkja.
Når laget reiser
Laget reiser med spelarar, trenarar og lagleiar. Fyll opp bilane, så de slepp å reise med fleire enn de treng. Køyringa går på omgang mellom dei føresette.
Vi oppmodar føresette om å bli med dei yngste spelarane, som oftast opp til 9 år. Då betaler du turen sjølv. Gå gjerne saman om køyringa.
Minibuss
Eigendelen er 200 kroner per spelar. Pengane går til å fylle drivstoff etter heimkomst. Trenar eller lagleiar legg inn betalingskrav for eigendelen i Spond. Speler du på fleire lag, betaler du berre eigendel når du reiser med ditt eige lag.
Leiga blir fakturert klubben, og det blir ingen kilometergodtgjersle. Har sjåføren betalt noko sjølv, til dømes diesel, blir det sendt som utlegg i reiserekninga.
Bussen kan leigast frå to stader. Begge krev at han blir fylt med diesel før levering.
Alternativ 1
Frivilligsentralen Husnes, Lonabrotet. Kr 1 000,- per dag.
Kontaktperson: Bente Nilsen, bente.nilsen@kvinnherad.kommune.no, 474 88 596.
Alternativ 2
Halsnøy Idrettslag, Eidsmarka. Kr 1 000,- per dag, pluss kr 5,- per km.
Kontaktperson: Widar Irgens, 942 79 890.
Spørsmål om reise? Ta kontakt med lagleiar eller styret.